Showtime го претстави првиот тизер за хит серијата Dexter, која ќе има 10 нови епизоди.
Популарната серија е емитувана во периодот од 2006 година до 2013 година, а продуцентите на серијата најавуваат дека набргу ќе пристигне големата завршница на приказната за серискиот убиец.
Во краткиот тизер може да видиме секира забиена во дрво и притоа да го слушнеме гласот на Декстер како зборува дека не постои ништо што може да се мери со враќањето на природата – неговата природа.
Новите 10 епизоди прикажуваат настани 10 години по завршувањето на последната сезона, каде е прикажано како Декстер ја лажира својата смрт, бега од полицијата и заминува да живее во колиба во природа.