Бившиот снајперист Лео Принслу и неговиот колега додека се возеа во оклопно возило превезувајќи содржина од голема парична вредност, беа нападнати од вооружени лица од два автомобили.
Кон нивното возило беа испукани над 30 куршуми, но снајперистот брзо се снајде и неговата смирена реакција на обидот за грабеж во Јужноафриканска Република стана хит на интернет.
Благодарение на добрите возачки способности и присебноста на Лео во моментот на опасноста избегната е трагедија, а видеото од безбедносната камера стана вирален хит и го направи Лео национален херој.
Инцидентот е снимен на автопат во Преторија минатиот месец.
Лео е поранешен припадник на полициски специјалци, а службата ја напуштил во 2004 година. По храбрата реакција во нападот тој и неговото семејство сега се наоѓаат под полициска заштита, бидејќи се стравува за неговиот живот.
