Анимација објавена на Twitter ја покажува борбата на еден кит принуден да ги избегнува големите бродови додека се обидува да се храни.
Китот е следен во заливот Корковадо, а на анимацијата е означен со сина точка, додека останатите точки претставуваат бродови. Анимацијата е објавена со истражување на патувањето на китовите и бродовите, движењето на китовите е следено во период од 3 месеци, по што тие патувања се споредени со движењата на бродовите.
Научниците велат дека резултатите укажуваат на потребите на мерки кои ќе ги заштитат китовите, а кои подразбираат закон за брзина на пловидбата. Целта е да се спречат бродовите да удираат во китовите кои се наоѓаат во тие води.
Колку се загрозени китовите најдобро покажува анимацијата која прикажува колку еден кит се мачи да ги избегне бродовите додека се обидува да се нахрани.
Јасно е дека китовите се загрозени од големиот број рибарски и транспортни бродови кои брзо се движат и можат да предизвикаат сериозни, па дури и фатални повреди на китовите.
Сините китови се загрозен вид, а секој загинат кит е голема трагедија, со оглед на тоа дека поради децениското ловење китови драстично е намалена нивната популација.
