Samsung го претстави својот најнов дигитален кокпит дизајниран за полесна комуникација и забава во движење.
Дигиталниот кокпит им овозможува на возачот на автомобилот и на патниците да го искористат максимално времето што го поминуваат возејќи се.
На располагање имаат 49-инчен LED екран со одличен аудиосистем, а во кокпитот има бројни подвижни екрани кои го трансформираат возилото во удобен повеќенаменски простор.
Овие екрани и звучници се корисни за забавни активности како гејмање или гледање концерти, но исто така го претвораат возилото во канцеларија во движење со можност за видеоконференциски повици.
Централниот дел на воланот е резервиран за екран наменет исклучиво за возачот, а станува збор за LCD панел од 8,8 инчи кој има функција на контролер за забава, се користи за прилагодување на јачината на звукот и навигацијата, а има и функција на сирена.
5G технологијата е меѓу придобивките на дигиталниот кокпит бидејќи го подобрува корисничкото искуство.
Системот има и услуга за следење на здравјето на возачите и патниците за време на возењето. Нивото на стрес се анализира редовно, а осветлувањето, мирисите и музиката автоматски се прилагодуваат за да им се овозможи на патниците да се релаксираат. Исто така, системот му помага на возачот да остане буден, следејќи ги неговите очни капаци.
Додека автомобилската индустрија се стреми кон технологија за самостојно возење автомобил, дигиталниот кокпит на Samsung е една од опциите за пополнување на времето за време на возењето.