Американските федерални власти покренаа истрага против американскиот милијардер Илон Маск поради неговото однесување при преземањето на компанијата Twitter, се наведува во судскиот поднесок.
Иако е наведено дека е под истрага, не е точно прецизирано кој е фокусот на истрагата и кои федерални власти ја спроведуваат. Маск побара од судијата минатата недела да го одложи неговиот процес со Twitter до 28 октомври, што судијата во државата Делавер го одобри.
Спорот меѓу Twitter и Маск е поради нерешено финансирање на договорот за купување на социјалната мрежа постигнат во април, вреден 44 милијарди долари.
Маск и компанијата Twitter во наредните денови би можеле да постигнат договор за прекин на судскиот спор, што ќе му овозможи на најбогатиот човек на светот да ја купи компанијата за 44 милијарди долари.
Маск, кој е и директор на компанијата Tesla, му предложи на Twitter, доколку компанијата го прекине спорот со него, да се согласи со условите од договорот постигнат во април – да ја купи компанијата за 54,20 долари по акција.
Во обид да се прекине судскиот спор, двете страни се согласија сведочењето на Маск на прелиминарното рочиште во Делавер, кое беше закажано за денес, да биде одложено, но дека преговорите за прекинување на процесот ќе продолжат. Судењето претходно беше закажано за 17 октомври.
По најавите во вторникот дека Маск ќе продолжи со преземањето на Twitter, тргувањето со акциите на социјалната мрежа беше прекинато.
Маск се повлече од договорот неколку недели подоцна, наведувајќи ја загриженоста дека бројот на ботови на платформата е поголем отколку што тврдеше Twitter.
Twiiter ги отфрли обвинувањата и го тужеше Маск за да го принуди да го спроведе договорот, по што дојде до голем пад на цената на акциите на компанијата Tesla на Маск.