Полицискиот час е продолжен до 6 април, почнувајќи од денеска.
Владата на Република Северна Македонија на денешната 56-та седница, по препорака на Комисијата за заразни болести, донесе одлука да биде продолжена актуелната мерка за забрана и посебен режим на движење на граѓаните на целата територија на државата во временскиот период од 22 часот до 05 часот, почнувајќи од денеска, односно од 23 март до 6 април, стои во соопштението од Владата.
Во текот на неделава ќе се разгледа епидемиолошката состојба и ќе се утврди дали е потребно воведување дополнителни рестриктивни мерки.
Комисијата за заразни болести и министерот Филипче очекуваат на почетокот на неделава резултати од полицискиот час, и од нив ќе зависи новата проценка за воведување рестриктивни мерки кои би значеле зголемување на времетраењето на полицискиот час и скратување на работата на угостителските објекти.