Ерлинг Холанд, поточно неговиот агент Мино Рајола и таткото на играчот Алф-Инге Холанд, ги договориле деталите околу трансферот на феноменалниот млад напаѓач од Борусија Дортмунд во Манчестер Сити.
Ова беше објавено „ексклузивно“ доцна синоќа од на Мајк Киган, уредник на Daily mail.
Пред една недела, доверливиот Џанлука Ди Марцио, новинар на Sky и еден од најсигурните извори на фудбалскиот пазар, објави дека Холанд го одбил Реал затоа што му понудил да го доведе следното лето и ја прифатил понудата на Сити, која му гарантира трансфер за два месеца.
Борусија Дортмунд беше повеќе наклонета кон понудата на Реал бидејќи следната година откупната клаузула на Халанд ќе биде зголемена на 120 милиони евра, а за ова лето таа е 75 милиони евра. Сепак, одличниот голгетер сака што поскоро да си замине, а Манчестер Сити освен што ја плаќа споменатата сума, им дава богатство на Холанд и неговиот тим.
Сити му дал на Холанд понуда која е невозможно да се одбие: петгодишен договор и неделна плата од 500.000 фунти, или 600.000 евра неделно, а годишно над 31 милион евра, без бонуси. Сити на агентот Мино Рајола му дава провизија од дури 70 милиони евра.
Ерлинг потпишува за клубот во кој татко му ја заврши кариерата. Дел од спомнатата неверојатна сума ќе оди кај таткото на Холанд, Алф-Инге, кој играше за Сити три години и за кого Киган пишува дека имал големо влијание врз неговиот син при изборот на овој клуб.
Холанд Џуниор со тоа станува убедливо најплатениот играч во историјата на најбогатата национална лига. Според Daily Mail, тој ќе заработува 500 .000 фунти неделно. За споредба, Кевин де Брујнe и Кристијано Роналдо во моментов се најплатени таму, a заработуваат околу 385.000 фунти неделно.
На Пеп му фали „деветка“
Пеп Гуардиола со месеци инсистира да го доведе Холанд бидејќи му треба само напаѓач од светска класа за да го заокружи совршениот тим. Минатото лето вложи максимални напори да го доведе Хари Кејн, но иако понуди 100 милиони фунти и Кејн поднесе барање за трансфер, Тотенхем беше категоричен.
Така, со заминувањето на Серхио Агуеро, Манчестер Сити остана без „деветка“ или класичен напаѓач, што е улогата што оттогаш ја имаат Фил Фоуден и Габриел Жесус.
Холанд дојде во Борусија во зимскиот преоден рок во 2020 година од Салцбург со обештетување од 20 милиони евра. Оттогаш, тој одигра 85 натпревари за клубот од Дортмунд, на кои постигна 82 и намести 23 гола.
