Силно невреме го погоди североисточниот дел на Турција, додека тропска бура го зафати Хаити по што двете земји претрпеа значителни штети од големите поплави.
Во турската провинција Гиресун обилните дождови однесоа најмалку четири човечки жртви, а десетина луѓе се водат како исчезнати.
Тропската бура Лора го зафати Порт о Пренс, главниот град на Хаити, држава лоцирана на западниот дел од карипскиот остров Хиспаниола. Деветмина се потврдени како загинати, додека двајца се водат како исчезнати.
Американскиот национален центар за урагани предупреди дека бурата би можела да се претвори во ураган, а се движи кон бреговите на Куба.