Конор Мекгрегор беше поразен од Дастин Поарје во нивното второ УФЦ соочување што се одржа во Абу Даби синоќа.
Поарје со нокау го победи поранешниот шампион во втората рунда и првпат во кариерата Ирецот изгуби на тој начин.
После натпреварот, Мекгрегор спортски му честиташе на својот противник и најави дека ќе продолжи да тренира и дека ќе продолжи да се бори.
А против кого би сакал да влезе во октагонот во следната борба, откри на Instagram.
„Ви благодарам на сите за поддршката! Не беше моја ноќ/утро, но борбата беше добра. Возбуден сум за трилогијата. Дастин е страшен натпреварувач и со нетрпение очекувам нова борба со него“, напиша Мекгрегор, најавувајќи го третото соочување со Поарје.
Поарје по мечот исто така истакна дека очекува трета борба со Мекгрегор бидејќи сега скорот е 1-1.
За потсетување, Ирецот победи на првото соочување во септември 2014 година, со нокаут во првата рунда.
