Португалија ги претстави целите на претседателството со ЕУ

Португалскиот министер за надворешни работи, Аугушту Сантуш Силва, изјави во Европскиот парламент дека целите на неговата земја како претседавач на ЕУ во областа на проширувањето се „прилично амбициозни“.

– Ние сакаме да придонесеме за одобрување на преговарачките рамките со Северна Македонија и Албанија и да ги продолжиме тековните преговори со Србија и Црна Гора, изјави Сантуш Силва во Комитетот за надворешна политика на Европскиот парламент (АФЕТ).

Неколку европратеници посочија дека ЕУ не смее да ги заборави Босна и Херцеговина и Косово, како и на препреките и проблемите што Бугарија, како што рече членката на АФЕТ, Изабел Сантуш, и ги поставува на Северна Македонија на патот кон ЕУ.

Европратеникот Андор Дели ги посочи разликите во пристапот кон процесот на проширување помеѓу Советот и Европскиот парламент и го праша португалскиот министер што ќе направи за да се забрза спроведувањето на новата методологија за преговори.

– Ниту една измена од оваа методологија не е воведена, кажа Дели, додавајќи дека се „потребни позитивни пораки за да се забрза процесот на проширување“.

Европратеникот Андреас Шидер праша на кој начин ќе се работи за отворање на преговорите со Северна Македонија и Албанија. Шидер исто така рече дека е заинтересиран што ќе се случи со дијалогот меѓу Косово и Србија.

– Мислам дека е важно Европа да го преземе водството во тој дијалог, кажа европратеникот.

Одговарајќи на прашањата на пратениците, Сантуш Силва кажа дека прашањата меѓу Северна Македонија и Бугарија мора да бидат решени, бидејќи тоа „се одразува на ЕУ во целина“, дека тие се надеваат на напредок во тој процес и дека одлуките од минатата година во врска со отворањето на преговорите со Северна Македонија и Албанија треба да се спроведат.

Тој исто така оцени дека на Брисел му е драго што новата влада во Србија презела одредени обврски и дека ја поздравува посветеноста на Србија кон процесот на евроинтеграција и дијалогот со Косово. Тој ја истакна „големата важност“ на дијалогот меѓу Србија и Косово.

Во врска со новата методологија за проширување, Сантуш Силва кажа дека смета дека таа „веќе е добро интегрирана во тековните преговори со Србија и Црна Гора“.

Португалскиот шеф на дипломатијата, исто така, посочи дека ЕУ нема да ги заборави Босна и Херцеговина и Косово.

реклама
Мразот на Антарктикот се топи со алармантна брзина

Мразот на Антарктикот се топи со алармантна брзина

Read more
НАСА детектира силна експлозија на метеори

НАСА детектира силна експлозија на метеори

Read more
Новогодишна елка од луѓе за Гинисов рекорд на плоштад „Македонија“

Новогодишна елка од луѓе за Гинисов рекорд на плоштад „Македонија“

Read more
Терапијата на двата лека дава резултати, но најтешката форма на коронавирусот тешко се третира

Терапијата на двата лека дава резултати, но најтешката форма на коронавирусот тешко се третира

Read more

Свет

Американците очекуваат до 2030 година да имаат жена за претседател

Read more

Колку тешко ќе биде да се најдат поротници за судењето за убиството на Џорџ Флојд?

Read more

Состојбата на слобода во земјите од светот

Read more

Католичката црква е сѐ позагадена: Десетици илјади случаи на сексуална злоупотреба на деца ширум светот

Read more
 

Вести

Марш под мотото „Држава што не постапува е држава што силува“ по повод 8 Март

Читај повеќе

316 нови случаи од 1.562 тестирања за COVID-19

Читај повеќе

Маж исчезнал во водите на Вардар во близина на ПИОМ

Читај повеќе

Американците очекуваат до 2030 година да имаат жена за претседател

Читај повеќе

Илон Маск остана без 27 милијарди долари минатата недела

Читај повеќе

Приведен крадец од Скопје, извршил 33 кражби во Битола и во Охрид

Читај повеќе

Истражители на СЈО му вршеле закани и притисоци на обвинет во случајот „Тортура”

Читај повеќе

Филипче: Не се предвидени нови рестрикции за угостителските објекти

Читај повеќе

Царовска: Жените просветителки ја создаваа државата, жените просветителки ја градат иднината

Читај повеќе