Посните плескавици од тиквички и модар патлиџан се пржат на масло и се подготвуваат исто како оние од месо.
Плескавиците од тиквички и модар патлиџан се зачинети и по пржењето нема ни да забележите дека се вегетаријански. Одличен избор на оброк доколку постите на масло.
Потребни состојки:
- 1 голем модар патлиџан
- 3 чешниња лук
- 2 средни тиквички
- 180 гр лебни трошки
- 100 гр ленено семе
- 1+ лажица масло
Подготовка:
Модриот патлиџан исечкајте го на коцки, обилно посолете го и оставете го во цедалка 20-30 минути за да се ослободи водата. Исушете со хартиена крпа. Во меѓувреме, тиквичките крупно изрендајте ги и ставете ги во чиста кујска крпа, завиткајте ги и притиснете за да ја исцедите водата.
Загрејте една лажица масло во голема тава на средна топлина. Додадете ги модриот патлиџан и ситно сечканиот лук и пржете додека не омекнат, вкупно околу 10 минути. Испржениот модар патлиџан додадете го во поголем сад со исцедените тиквички, лебните трошки и лененото семе кое сте го сомлеле и натопиле во вода. Изгмечете сè заедно со гмечалка за компири. Од смесата направете плескавици.
Исчистете ја тавата и истурете доволно масло. Поставете на средно-висока температура. Додадете ги посните плескавици и нежно притиснете со задниот дел на шпатулата за малку да се израмнат. Пржете околу 5 минути по страна. Послужете и уживајте.
