Потпишан најголемиот договор во историјата на спортот

Хуан Сото и Њујорк Метс го потпишаа најголемиот договор во историјата на спортот.

Доминиканецот Хуан Сото договорил 15-годишен договор вреден 765 милиони долари. Годишно ќе заработува 51 милион.

Ова е 12-ти договор во МЛБ вреден 325 милиони долари или повеќе. Со рекордниот договор, Сото го мина Шохеи Охтани, кој потпиша 9-годишен договор со Лос Анџелес Доџерс од 700 милиони долари претходно годинава.

Интересно е што 26-годишниот Сото одбил 440 милиони за истиот период од Вашингтон Нејшаналс во 2022 година.

Договорот на Сото со Метс има излезна клаузула по 5 години и вклучува потенцијални бонуси кои би можеле да пораснат до над 800 милиони долари.

Момчето родено во Доминиканската Република, минатата сезона настапувајќи за Њујорк Јенкис забележа рекордни во кариерата удари (166) и хоум-ранови (41) и го предводеше својот тим до првиот настап во Светската серија од 2009 година.