Во едно од објавените видеа од Бејрут, Либан е забележано како разорната експлозија прекина фотографирање на младенци.
На снимката се гледа невеста додека позира кога во еден момент се слуша експлозија од градското пристаниште. Дваесет и деветгодишната Исра Себлани била пред хотелот Le Gray со нејзиниот сопруг во момент кога експлозијата однесе 135 животи.
Камерата тогаш забележува и други луѓе додека бегаат пред хотелот и се обидуваат да се засолнат. На снимката се гледа дека од силината на експлозијата пукаат стаклата, а прозорците и вратите се уриваат.
Младенците во Бејрут дошле од САД за да се венчаат во родното место и таму да ги прослават најсреќните моменти во животот. Со оглед на тоа дека невестата е докторка, таа сега им помага на повредените.
Полицијата во Бејрут соопшти дека до експлозија дошло поради обид за кражба.
