Осум месеци откако Метју Пери почина од „акутни ефекти на кетамин“, американските медиуми пишуваат дека треба да бидат обвинети „повеќе луѓе“ за неговата прерана смрт.
Истрагата за смртта на Пери е „при крај“, изјави извор за магазинот People. Тој, исто така, откри дека канцеларијата на американското обвинителство ќе одлучи дали ќе поднесе обвинение.
Актерот од серијата Friends почина на 28 октомври откако се удави во џакузи во неговиот дом во Лос Анџелес. Имаше 54 години. Претставници на полицискиот оддел во Лос Анџелес потврдија за Fox News Digital дека одделот сè уште активно работи на истрагата.
„Одделот има отворена и тековна истрага за смртта на Метју Пери“, соопштија властите.
The investigation into 'Friends' star Matthew Perry's ketamine-related death could soon result in 'multiple people' being charged, according to a new report. https://t.co/tMj9iTfboD
— Entertainment Weekly (@EW) June 25, 2024
Неодамна беше објавено дека полицијата го запленила мобилниот телефон и лаптопот на славна личност која била поврзана со смртта на Метју Пери.
Според нивните информации, станува збор за женско лице кое исто така било приведено на разговори, откако полицијата на Лос Анџелес (ЛАПД) заедно со Управата за борба против дрогата (ДЕА) покренала истрага за причините за смртта на Пери.
Минатиот месец, полицискиот оддел во Лос Анџелес потврди дека полицискиот оддел соработува со ДЕА и американската поштенска инспекциска служба за да утврдат зошто Пери имал толку многу кетамин во неговиот систем кога умрел во октомври, објави Associated Press.
Според обдукцијата на Пери, во содржината на желудникот биле пронајдени траги од кетамин. Точниот начин на влегување во случајот на Пери е непознат, се вели во извештајот.
Други состојби кои придонеле за неговата смрт вклучуваат „коронарна артериска болест, последица на бупренорфин“, се вели во извештајот.
