Во Вишото јавно обвинителство во Заечар, утре, во 10 часот, повторно ќе биде сослушан Срѓан Јанковиќ, осомничениот за убиството на двегодишната Данка Илиќ, објави Телеграф.рс.
Повод за повторното рочиште се дополнителни прашања од обвинителот.
Срѓан Јанковиќ претходно беше сослушан во Обвинителството на почетокот на јуни кога ја негира вината, а првиот пат, по апсењето, се бранеше молчејќи, односно го искористи законското право да не изнесува одбрана.
„Рочиштето на Срѓан Јанковиќ е закажано за 19.6.2024 година, во 10 часот, соопшти Вишото јавно обвинителство во Заечар, објави „Телеграф.рс“.
Второобвинетиот Дејан Драгијевиќ го призна убиството.
Двајцата се во притвор, а таткото на Дејан Драгијевиќ, кој е осомничен дека му помогнал на синот да го премести телото на девојчето, неодамна е пуштен од притвор бидејќи за кривичното дело помагање на сторителот по извршувањето на делото, притворот, според законот во Србија, не може да трае подолго од два месеца.
Девојчето Данка Илиќ исчезна на 26 март во Бањско Поле кај Бор.
