57-годишниот славен холивудски актер, Еди Марфи, по десетти пат во својот живот ќе стане татко, пишуваат странските медиуми.
Славниот комичар Еди Марфи и австралиската манекенка Пејџ Бачер, наводно наскоро ќе станат родители.
Иако постоеја шпекулации и од порано, овој пат сомнение отвори појавувањето на Пејџ Бачер во западен Холивуд, кога беше невозможно да не се забележи дека таа веќе е во поодмината фаза од бременоста.
Стомакот не успеа да го сокрие дури ниту под широкиот фустан, кој го носеше тој ден. Еди и Пејџ имаат едно заедничко дете, ќерката Ону, која се роди во мај 2016 година.
Парот е во врска веќе шест години, но својот приватен живот го чуваат од јавноста, и тоа е причината зошто тие немаат профили на социјалните мрежи.
Пред врската со австралиската манекенка, славниот актер Еди, од својот претходен брак со Никол Марфи има пет деца. Станува збор за четири ќерки и еден син, кои се на возраст од 16 до 28 години. Тие се разведоа во 2006 година, после 22 години заеднички живот.
Ед има 11 годишна ќерка Ангела со контроверзната пејачка Мел Б, а има уште и двајца синови, кои се плод од неговите врски со поранешните девојки Паулет Мекнил и Тамара Ху.
Иако фотографијата од преубавата Австралијка е јасен доказ дека таа и Еди го очекуваат второто заедничко дете, сепак славниот пар засега не сакаше да ги коментира шпекулациите во јавноста.
За потсетување, тие досега ниту ја потврдија, ниту пак ја демантираа оваа вест.
