Скопје, 11 мај 2021 (МИА) – Пожар во семејна куќа во населбата Радишани избувнал денеска, при што пожарникарите спасиле едно лице.
Командантот на Противпожарната единица на Град Скопје, Владимир Симоновски, во изјава за МИА информира дека интервенирале со четири возила и 15 пожарникари.
За пожарот, Противпожарната единица на Град Скопје информираше и на својата официјална Facebook страница.
– Пожар на ул. Скоевска. н. Радишани. Благодарение на брзата интервенција на противпожарната бригада, пожарот за брзо време беше локализиран и изгаснат, спасено беше лицето кое беше во куќата. Нема повредени во настанот, се вели во објавата на Facebook.
