Компанијата Sony наредната недела ќе го претстави новиот флегшип смартфон.
Sony го најави настанот за 17 септември, на кој ќе го претстави својот нов паметен телефон, а тоа најверојатно ќе биде Xperia 5 II.
Во најавата се наведува само датумот на претставувањето со хаштагот #SonyXperia.
Во склад со актуелната стратегија на Sony, Xperia 5 ќе има 6,1-инчен FULL HD+ HDR OLED екран со формат 21:9 и со фреквенција на освежување од 120 Hz.
Направени се и подобрувања на камерите – сите 3 камери(главна, ултраширока и телефото камера) имаат 12 MP. Уредот користи Snapdragon Qualcomm 865 процесор, има 8 GB RAM, 128 GB интерна меморија и батерија од 4.000 mAh.