Славниот шпански тенисер Рафаел Надал и неговата сопруга Марија Перело по 17 години врска го очекуваат нивното прво дете. За шпанскиот весник Hola! открија дека очекуваат син.
Истиот магазин претходно во јуни ја објави веста за бременоста, а по неколкумесечни шпекулации Марија е забележана во јавност како носи поширока облека. Надал претходно ја потврди веста на прес-конференција за новинари во Мајорка.
Постојат тврдења дека на детето можеби ќе му го дадат името Себастијан, со оглед на тоа што така се викаат таткото и прадедото на Рафаел.
Славната двојка се венча во октомври, 2019 година на Мајорка.