Српскиот тенисер Новак Ѓоковиќ поради повреда на тетивата мораше да се откаже од дуелот на Австралија опен, а сега му претстои нешто подолга пауза.
Ѓоковиќ се повлече поради повреда во полуфиналето на Австралија опен и дуелот против Александер Зверев. Во таа прилика го загуби првиот сет, а потоа мораше да се повлече, оставајќи ја неутешната публика разочарана на трибините, а наиде и на бројни свирежи.
За да се оправда, Ѓоковиќ јавно објави рендген на кој се гледа јасно оштетување на тетивата. Сега се појавија и првите информации за состојбата на повредата.
Љубителите на тенисот веројатно ќе треба да чекаат подолго за повторно да го видат Ѓоковиќ на теренот. Последните информации велат дека српскиот тенисер би требало да отсуствува најмалку два месеца, а можеби и повеќе.
ESPN објави уште потешка информација за сите негови фанови. Според Крис Фаулер од ESPN, кој се консултирал со аналитичарот за спортски повреди, Марти Харамиљо, Ѓоковиќ можеби нема да се врати до вториот Грен слем турнир во сезоната, Ролан Гарос, кој започнува кон крајот на мај.
Тоа би било целосна катастрофа за Ѓоковиќ, кој исто така би ги пропуштил турнирите од Мастерс 1000 на почетокот на годината. Во неговите доцни играчки години, прашање е како ќе реагира неговото тело по нешто подолга повреда и опоравување.
