Потполно новиот Dacia Duster во продажните салони пристигнува во 2024 година, а пред неговото пристигнување ќе биде освежена втората генерација.
Според француските медиуми, премиерата на третата генерација се очекува во 2024 година.
Претходно ќе пристигне редизајнираниот модел кој треба да биде претставен во текот на летото, а продажбата ќе започне во есен.
Не треба да се очекуваат спектакуларни промени. Најверојатно ќе биде променет изгледот на браникот и маската на ладилникот.
Новата генерација на Duster пак, ќе биде заснована на CMF-B механичката платформа на која се базирани новите Sandero и Logan.
Засега не се објавени многу детали, но што се однесува на погонот, најверојатно ќе биде понуден и модел со дизел мотор, а се очекува и првиот Duster со хибриден E-Tech погон.
