Кристијан Ериксен потпиша договор со Брентфорд претходно оваа година.
Да потсетиме, минатата година на Европското првенство доживеа срцев удар. Откако му беше вграден дефибрилатор, тој автоматски повеќе не можеше да биде член на италијанскиот шампион бидејќи Серија А не им дозволува на играчите на кои им е вграден каков било инструмент што го регулира пулсот да настапуваат.
Замина во англискиот прволигаш со кој ја заврши сезоната на 11. место.
„Верувам дека имаме шанса да го задржиме Ериксен. Навивачите ќе му направат статуа до стадионот за две или три години“, изјави тренерот на Брентфорд, Томас Франк.
Фабрицио Романо, најпознатиот експерт за трансфер информации, на Twitter објави дека Ериксен има понуди од три клуба. Пред тоа ќе разговара со раководството на Брентфорд.
Да потсетиме, на 12 јуни минатата година во 42. минута од мечот меѓу Данска и Финска на ЕП што се играше на Паркен во Копенхаген, Ериксен падна на земја и остана да лежи без знаци на живот. Екипата на Брзата помош брзо стигна до него и ја започнала процедурата за реанимација, по што тој на носилки беше изнесен од теренот, а натпреварот беше прекинат.
За малку ќе умреше и му се врати на фудбалот
Еден ден подоцна, лекар од данската репрезентација објави дека Ериксен едвај преживеал срцев удар, а на 18 јуни данската фудбалска асоцијација објави дека успешно е извршена операција за вградување на дефибрилатор во Ериксен.
Овој апарат му е потребен поради аритмијата на срцето предизвикана од срцевиот удар што го доживеа. И покрај сето тоа му се врати на фудбалот. Тој оваа сезона забележа десет настапи во Премиер лигата. Тој постигна еден и асистираше за четири гола.
