Предадени материјалите за истрагата за автобуската несреќа на бугарските обвинители

Скопје, 27 ноември 2021 (МИА) – ДНК профилите за идентификацијата на жртвите во тешката автобуска несреќа во Бугарија, заедно со записници за испитување на осум сведоци, како и целокупната документација за автобусот од компанијата Беса Транс и Министерството за транспорт, денеска се предадени на бугарските обвинители, од страна на Јавното обвинителство за Република Северна Македонија.

Државниот јавен обвинител Љубимир Јовески, на заедничка прес-конфернеција со бугарските обвинители во Скопје, рече дека се обезбедуваат и други докази, а се продолжува и со сослушување на други лица кои може да дадат сознанија за расчистување на трагичниот настан.

– Сакам да ја нагласам професионалната соработка што ја имаме со колегите од Бугарија. Наидовме на целосно разбирање кај обвинителството на Бугарија и веќе од утре двајца наши експерти од Судска медицина ќе заминат за Софија со цел забрзување на постапката за идентификација и предавање на телата на нивните семејства, реле Јовески.

Во ОЈО Скопје, Јовески посочи, дека е отворен предмет за Беса Транс и овие податоци што ги собираат на барање на бугарските обвинители, во исто време ги користат и во делот на тој предмет, а со цел на расчистување на сите ситуации поврзани со несреќата, од документација за автобусот до тоа како тој ги поминувал границите.

-Ние ги прибираме потребните документации, а потоа ќе донесеме соодветна одлука. Веднаш по сообраќајната несреќа документацијата од команијата Беса Транс е одземена. Ве уверувам за било кое лице доколку има основ, Обвиниелството ќе отвори постапка, изјави Јовекси.

Истражителот во Националната истражна служба на Република Бугарија, Младен Христов Петров, на почетокот изрази сочувство за семејствата на жртвите и посочи дека блиската меѓусебна соработка, постојана комуникација и постојаната деноноќна работа од моментот на несреќата до сега, овозможиле за брзо време да се дојде до солидни резултати и можност за брза идентификација.

-Благодарам за напорната работа на ЈО на СМ, добрата соработка со Вилма Рускоска и професионалната соработка на сите структури од МВР, Министерството за транспорт и од Судска медицина, што овозможи за брзо време да располагаме со многу докази и во име на човештвото да скратиме многу бирократија. Придржувајќи се кон законот и прописите да се вратат телата за да бидат погребани, изјави Петров.

Петров, посочи дека се работи на сите верзии кои не се отфрлени, но бидејќи несреќата е голема и се собираат многу докази, во ваква ситуација истрагата треба да продолжи и не може да се даде дефинитивна верзија за причините за несреќата.

-Сопственикот на фирмата е сослушан во раните часови. Со него интензивно се соработува на територија на Северна Македонија и тој е достапен на надлежните институции, изјави Петров.

Заменикот окружен јавен обвинител на Окружното јавно обвинителство Перник, Бисер Јорданов Михајлов, изразувајќи сочувсто на роднините на жртвите, посочи дека координацијата меѓу судските и државните власти на двете земји и меѓусебната соработка е на високо ниво.

-Откако се случи несреќата, институциите постојано соработуваат и работата на расчистување на случајот. Ќе продолжиме со исто темпо и по ДНК анализата телата ќе бидат вратени во најбрз можен рок, изјави Михајлов.

Прашан дали патот и лошата сообраќајна сигнализација се можни причини за несреќата, Михајлов рече, дека откако ќе бидат завршени сите анализи и експертизи, тогаш ќе може да имаат конечен одговор дали лошата сигнализација е некаква причина за сообраќајната несреќа.

За истото, Петров, изрази уверување дека сите претпоставки и прашањата што се поставуваат во медиумите се проверуваат и дека моментално експертската служба за пожари работи и очекуваат да ги утврдат причините за избувнување на пожарот.

Филипче: Очекуваме да пристигнат двајца од седумте пациенти кои беа хоспитализирани во „Пирогов“ во Бугарија

„Двајца од вкупно седумте пациенти кои беа хоспитализирани во болницата „Пирогов“ ги очекуваме да пристигнат од Бугарија. Јас утрово разговарав со директорот на болницата. Тие се испишуваат во стабилна состојба како што впрочем беа целокупниот овој период. Станува збор за 17-годишна девојка и уште еден повозрасен пациент. Тие имаат повреди, треба да бидат сместени на Клиниката за пластичната хирургија, тука се обезбедија места“, изјави пред Ургентниот клинички центар министерот за здравство Венко Филипче.

Посочи дека пациентите ќе бидат задржани на опсервација и согласно тоа колку време треба да останат ќе бидат хоспитализирани после што ќе направат проценка да се испишат на натамошен домашен третман.

-Пристигнаа колегите од Психијатрија со цел да се даде и психолошка помош што е многу битно во овој момент, така што целосно сме подготвени да ги преземеме овие пациенти и да продолжи лекувањето, додаде Филипче.

Одговарајќи на новинарски прашања рече дека сегашната најава е дека тројца други пациенти треба да дојдат во понеделник.

– Ќе искомуницираме уште еднаш во утрешниот ден, ќе ги организираме возилата ако состојбата го дозволува тоа ќе го организираме и транспортот. Сите се во стабилна состојба и сите се со полесни повреди, освен едниот пациент кој имаше два хируршки зафати, еден поради скршеница на потколеницата и друг поради нешто посериозно скршеница на два пршлени и тој е во стабилна состојба, така што сите овие останати имаат повреди кои се во сферата на пластичната хирургија – посекотини, нагмечувања итн., а тој пациент во сферата на трауматологијата, додаде Филипче.

реклама

Русија го враќа ударот: Ќе носи војска на Куба и во Латинска Америка

Read more

Најпривлечната фудбалерка во светот ја потврди врската со Даглас Луис

Read more

Пукање во Украина: Војник со „калашников“ уби 5 чувари во воена фабрика

Read more

Најочигледниот знак дека ви треба повеќе витамин Д

Read more

Македонија

Османи: Како членка на НАТО се подготвуваме за сите ризици по заедничката безбедност

Read more

КОВИД биланс: 1.861 нов случај, најмладиот починат пациент е 22-годишен

Read more

Објавена мапа за развој на велосипедска стратегија, Македонија нема никаква

Read more

Нуредини: Потрошувачката на кеси намалена до 10 пати

Read more
 

Вести

Османи: Како членка на НАТО се подготвуваме за сите ризици по заедничката безбедност

Читај повеќе

Комерцијалните дронови забранети во ОАЕ бидејќи стануваат „машини за убивање“

Читај повеќе

КОВИД биланс: 1.861 нов случај, најмладиот починат пациент е 22-годишен

Читај повеќе

Што е SWIFT и зошто може да биде оружјето од кое Русија најмногу се плаши?

Читај повеќе

Нова корона мапа на ЕУ: Наскоро сѐ ќе биде темноцрвено?

Читај повеќе

Цените на нафтата „беснеат“ поради украинската криза

Читај повеќе

Објавена мапа за развој на велосипедска стратегија, Македонија нема никаква

Читај повеќе

Нуредини: Потрошувачката на кеси намалена до 10 пати

Читај повеќе

Италија од февруари ги олеснува мерките за сите патници од ЕУ

Читај повеќе