Предлог за читање: „Со затворени очи“ – Џош Малерман

Билјана Стефановска-Богоеска
/ 19.06.2020 / 14:26

Книгата „Со затворени очи“ е македонско издание на Антолог на светскиот мегахит „Bird Box“ од Џош Малерман, објавен во 2014 година. Во 2018 година е направена истоимена филмска адаптација со Сандра Булок во главната улога, но треба да знаете дека филмот не ја доловува оригиналната возбуда што ја доживува читателот низ дејството на книгата и меѓу нив има значителни разлики.

За романот може да се каже дека припаѓа на неколку жанрови, трилер со хорор елементи, апокалиптична и постапокалиптична фикција, мистерија. Досега има добиено прилично голем број позитивни рецензии и препораки, и тоа сосем заслужено. Многу критичари го споредуваат Малерман со Стивен Кинг и Џонатан Керол.

Дејството се случува во САД, во време кога низ светот почнуваат да се случуваат чудни трагични настани за кои никој нема објаснување. Луѓето вршат убиства и самоубиства откако ќе видат нешто или некого што е необјасниво да се опише, нешто што е неразбирливо за човечкиот мозок. Нешто што секој човек кога ќе му упати само еден поглед може да го доведе до лудило кое резултира со одземање на сопствениот живот, но и туѓиот. Сите настани ги дознаваме од перспективата на Малори, која е мајка на две деца, Момче и Девојче, научени од бебиња да ги затвораат очите пред невидливиот непријател. Веќе 4 години Малори се бори за нивното преживување, доживувајќи низа трагични настани. Децата се нејзиниот свет, а нејзината единствена цел е да ги однесе на безбедно место. Кога ќе реши дека е време за тоа, патувањето низ опасната река е со затворени очи, со превез ставен на лицето. Нејзиниот страв дали децата ќе го издржат сето ова, дали ќе останат со превез на очите, хистеријата и паранојата, стравот со кој сите тројца се соочуваат создаваат неверојатно доживување кај читателот. Верувајте, нема да може да ја оставите книгата додека не го дознаете крајот.

Опасната река е само еден од многубројните стравови на Малори чиј хорор лично го доживуваме поради нешто невидено и неопишано. Патувањето го води според тренираниот слух на децата, чија главна задача е да слушаат и распознаваат звуци и движења. 

Ако досега не сте читале книга од овој жанр тогаш ова дефинитивно ќе биде најстрашниот роман што сте го прочитале во животот. Истовремено и највозбудливиот. Претставата за невидливиот непријател кој е виновен за крајот на човештвото едноставно ќе предизвика кај вас мешани чувства и ќе ве натера да размислите малку повеќе за светот во кој живееме денес.

Интересно е тоа што книгата ќе добие продолжение со наслов „Малори“ и ќе биде објавено на 21 јули годинава. Ако досега не сте ја прочитале „Со затворени очи“, тогаш сега е вистинското време за добра книга.

реклама

ДИК: Членовите на избирачките одбори ќе добијат за 100% повисок надоместок

Read more

Пронајдено обесено момче на кејот на Вардар

Read more

Virgin Galactic и Rolls Royce претставија надзвучен авион

Read more

Трагедија во Србија: Поранешен кошаркар на Црвена Ѕвезда почина на тренинг

Read more

Книги

Рецензија на Читачот за книгата „Славната инвазија на мечките на Сицилија“

Read more

Романот „Елитна проститутка“ го разбранува цел Балкан

Read more

Предлог за читање: „Вештица“ од Венко Андоновски

Read more

„Читањето е супермоќ“ – онлајн кампања на „Арс Ламина“

Read more

Магазин

  • filter

Поглед во луксузниот дом на Џенифер Лоренс, вреден 10 милиони долари

Читај повеќе
  • filter

Virgin Galactic и Rolls Royce претставија надзвучен авион

Читај повеќе

Хороскопски знаци кои најлесно ги освојуваат женските срца

Читај повеќе

Во Канада за една година 25.000 обиди за самоубиство

Читај повеќе

Пет грешки во сексот поради кои изгледате како почетник

Читај повеќе
  • play_arrow

Здрав предизвик: Како да ја убиете зависноста од шеќер?

Читај повеќе
  • play_arrow

Петгодишно момче пливаше со најголемата ајкула во светот

Читај повеќе
  • play_arrow

Топ 10 локации во Шпанија кои мора да се посетат

Читај повеќе
  • play_arrow

Потресна снимка од Бејрут: Невеста позира во венчаница во момент на експлозијата

Читај повеќе