Посните сарми може да се направат на различни начини, но пробајте ги со различен зеленчук, сочни се и лесни.
Овој рецепт ќе ви се најде и тоа како доколку имате посна слава или именден. Одличен е за малку да ја размрдате празничната посна трпеза која секоја година изгледа иста.
Потребни состојки:
- 5 стракови праз
- 4 кромиди
- 3 моркови
- 400 гр ориз
- 1,5 лажица сол
- 1,5 лажици толчена црвена пиперка
- 1 лажичка бибер
- 3 листа ловор
- 2 кисели зелки
- 1 лажица мелена пиперка
- 1 лажичка мешавина од суви зачини
- масло
- вода
Подготовка:
Прво исчистете ја зелката, како што правите за секоја сарма. Зеленчукот ситно исечкајте го. Прво малку пропржете го на суво, па додадете масло и пржете на тивок оган. Додадете го оризот и динстајте уште 10 минути, додека полека додавате малку вода, најмногу до 100 мл. Додадете ги сите зачини и на крај мелената пиперка и убаво измешајте.
Тавата подмачкајте ја со масло и наредете ги листовите зелка. Виткајте ги сармите ставајќи по 1 лажица фил по лист. Наредете ги во тавче. Распоредете ги ловоровите листови, па одозгора повторно наредете ги виткани сарми. Покријте со неколку големи листови зелка.
Додадете вода да ги покрие сармите и варете неколку часа на тивок оган. Послужете и уживајте.
