Само за љубителите на кинеската храна.
Состојки:
200 гр. пиперки
1 парче млад лук
300 гр. тиквички
2 лажици масло
1 лажичка вегета
200 гр. моркови
1 лажичка пармезан
300 гр. тенки кори за пита
1 јајце
Масло за пржење
Сос
1 дл јаболков оцет
5 лажици соја сос
Малку табаско сос
Начин на подготовка:
Исечкајте: пиперки, млад лук и тиквички на ленти, додајте вегета и тргнете го зеленчукот на страна. Сварете го морковот, оставете го да се излади, па исечкајте го на ситни ленти. Додајте пармезан во зеленчукот и промешајте.
Исечете ги корите на квадрати(18х18), а во средина ставете по 2 лажички од филот со зеленчук. Премачкајте ги корите со јајце и превиткајте ги.
Пржете ги 2 минути од секоја страна, а потоа ставете ги на хартија.
За сос- промешајте оцет, соја сос и табаско. Послужете го со ролничките.
