Предлог што да зготвите за денешниот ручек по рецептот на Мартина Трајаноска.
Потребни состојки:
Тортиљи
250 мл млака вода
100 мл масло
1 печиво
Околу 500 гр брашно
500 гр пилешко
200 гр печурки
1 лажица кари
200 мл неутрална павлака
Начин на подготовка:
Замесете меко тесто од состојките и поделете го на 10-12 топчиња. Оставете ги да одморат 10-15 минути. Секое топче расукајте го или оформете го со рацете, па печете го во загреана тава додека да добие светло-кафеава боја од двете страни. Исто така, многу поедноставен начин е тортиљите да ги оформите на хартија за печење премачкана со масло, па полесно ќе ги префрлите тортиљите од работната површина во тавата(погледнете на видеото).
За пилешкото - исечете го на помали парчиња додадете сосем малку вода, зачинете(сол, магдонос, вегета и кари), и додадете 1 ситно исечкан кромид. Оставете да се динста и кратко пропржете го. Додадете ги печурките и испржете го убаво месото, па додадете ја павлаката. Оставете да вари неколку минути и тргнете од оган. На тортиљите може да ставите салата по избор и помфрит.