Играчот на Фиорентирна се онесвести додека играта беше во прекин и е пренесен во болница.
Во 16-тата минута Лаутаро Мартинес постигна гол на асистенција на Дензел Думфрис, но главниот судија го поништи оти топката излегла во аут пред Думфрис да ја упати кон Лаутаро.
Додека се чекаше ВАР да провери дали навистина топката со цел обем излегла во аут и на преносот се вртеше репетиција од сиомнителниот момент, Едоардо Бове загуби свест и падна на тревата на „Артемио Франки“.
Играчите на двете екипи веднаш се стрчаа да му помогнат, како и лекарските екипи. Се направи обрач околу него за да не снима публиката со мобилни.
Terrible stuff, hope Bove is alright. Always worrying to see so many players in tears. https://t.co/yLSvZjcOBr pic.twitter.com/7vaBYhV14K
— cinematic aesthetic (@Cineaesthetic1) December 1, 2024
Откако Бове без свест беше пренесен во амбулантното возило, кое поради икс причини не дојде до местото каде што фудбалерот на Виола лежеше без свест туку мораа лекарите на носилка да го однесат до него. Штом беше пренесен во болница судијата Даниеле Довери ги испрати фудбалерите во соблекувалните.
Серија А соопшти дека натпреварот дефинитивно е прекинат и денеска нема да продолжи.
Во меѓувреме SkySport објави дека Бове се освестил во болницата „Кареџи“ и дише самостојно.
Едоардо Бове има само 22 години. Роден е во Рим и кариерата ја почна во Рома, од каде летоска дојде во Фиорентина на позајмица. Игра во средниот ред и е младински репрезентативец на Италија.
