Популарната македонска серија сепак ќе има уште едно продолжение, а за новата сезона во тек е пријавување за кастинг на две момчиња.
„Ги бараме Ѓоко и Боко, две палави момчиња на возраст од 6 до 9 години кои ќе добијат улоги во вашата омилена ТВ серија 'Преспав'“, објави од „Преспав“.
Која ќе биде улогата на новите ликови Ѓоко и Боко, останува само да претпоставуваме. Фановите веќе типувата дека ќе бидат синови на Коста и Ула.
Сите заинтересирани треба да испратат фотографии (профил, анфас и целосна) и кратко видео за запознавање (име, презиме, години, хоби, желби...) кое нема да биде подолго од една минута, телефонски број на родител и e-mail адреса за контакт на prespavcasting@gmail.com до 7 октомври 2021 година.
Кастинг директор е Билјана Драгиќевиќ - Пројковска.