Претпладне дожд, попладне сончево со температура до 34°C

Претпладнево на места ќе има зголемена облачност и услови за локален дожд со ретки грмежи.

Попладне ќе преовладува сончево време со мала до умерена облачност.

Ќе дува слаб до умерен северозападен ветер.

Минималната температура ќе биде во интервал од 12 до 20°C, максималната ќе достигне од 27 до 34°C, а УВ индексот – 7.

Како што соопшти Управата за хидрометеоролошки работи, во Скопје ќе биде сончево со мала до умерена облачност, претпладне со услови за слаб дожд. Ќе дува слаб до умерен северозападен ветер. Минималната температура ќе се спушти до 17, а максималната ќе достигне до 31°C.

Во следните денови ќе настапи стабилизирање на времето. Ќе преовладува сончево и топло време, но во попладневните часови ќе има услови за појава на ретка изолирана нестабилност со пороен дожд и грмежи.