Скопскиот градоначалник Петре Шилегов заедно со премиерот Зоран Заев е архитектот Бујар Муча денеска го презентираа проектот за реконструкција на Универзалната сала.
Како што веќе е познато, Универзална сала ќе биде реконструирана во својот препознатлив облик и габарит, со што ќе го задржи автентичниот изглед како симбол на обновата на постземјотресно Скопје.
„Идејата Универзална сала да ја сочуваме во постојната форма, на постојната локација, дојде по опсежна и отворена дебата и недвосмислено изразување на волјата на јавноста. Ова не значи дека се откажуваме од идејата за нова концертна сала во Скопје, но нашиот приоритет е да ја отвориме Универзална во нејзиниот полн капацитет уште во текот на оваа година“, рече градоначалникот Петре Шилегов во своето обраќање денеска.
За реконструкцијата парични средства одвои и Владата и тоа 120 милиони денари од биџетот на РСМ откако беше оценето дека овиј зафат е од огромно значење за скопјани и за историјата на македонската метропола.
„Универзална беше, Универзална останува дом на скопската радост, а нашата поинаква приказна во културата останува и понатаму инспирација за создавање на нова уметност на задоволство на сите генерации“, додате градоначалникот.
Универзална сала е изградена како дел од обновата на Скопје после разорниот земјотрес во 1963 година, а нејзината изградба била финансирана од 30-ина земји ширум светот. Салата била пуштена во употреба на 1 јануари 1966 година.
Фото: Град Скопје