Неверството е една од најлошите работи со кои некој може да се соочи во врската, но постојат и други проблеми кои се подеднакво лоши, па може дури и полоши.
Според студија на разведени парови, ова се најчестите причини поради кои се оддалечиле од партнерот додека биле во брак.
1. Лоша комуникација
Во една врска клучни се комуникацијата и емоционалната поддршка меѓу партнерите. Поради неспособноста за комуницирање, едниот од партнерите може да се чувствува емоционално изолирано, а со тоа не е баш лесно да се живее.
2. Љубомора
Да се биде љубоморен во врска никогаш не е добро, поради тоа и двајцата ќе бидат несреќни. Со тоа јасно станува видливо колку недоверба постои во односот и се нагласуваат негативните аспекти во врската.
3. Оддалечување
Кога ќе почувствуваме дека нашиот партнер се оддалечува, најважно е да се обидете да најдете решение за проблемот што довел до тоа.
4. Чувството дека партнерот не ве сака
Кога не се чувствувате сакано од партнерот тоа е како ништо повеќе да нема смисла. Се прашувате што се случило со личноста во која сте се вљубиле и зошто работите се променети. Тоа може лесно да доведе до разделба, освен ако не разговарате за чувствата. Партнерот сепак не може да ви ги чита мислите, ниту вие неговите.
5. Останувате заедно од погрешни причини
Кога ќе останеме со некого поради погрешни причини тоа доведува до многу проблеми. Се разбира дека не сакате да бидете сами, но има ли смисла да бидете со некој кој всушност не ве интересира? На тој начин само ќе го зголемите чувството дека сте заглавени во времето.