Кајсиите содржат голема количина на антиоксиданси кои се клучни за зајакнување на имунитетот и намалување на оксидативниот стрес – сето тоа влијае на посилната способност на организмот подобро да се заштити од инфекции, воспаленија, но и посериозни болести.
Тие се исклучително хранливи, а освен што го подобруваат варењето, многу се корисни и за нашите очи.
Содржат голема количина на витамини и минерали, а притоа имаат и екстремно малку калории. Две свежи кајсии (70 грама) содржат: многу малку калории (само 34), 8 грама јаглени хидрати, 1 грам протеини, многу малку масти, 4% калиум, малку влакна, но и витамини А, Ц и Е.
Покрај тоа, тие содржат бета каротин, лутеин и зеаксантин, моќни антиоксиданси кои помагаат во борбата против слободните радикали и го намалуваат оксидативниот стрес.
Не е занемарлива количината на влакна во кајсиите, кои благотворно делуваат на цревата и на целиот дигестивен систем.
Најдобро е да се јадат цели и нелупени, но пред тоа треба добро да се измијат. Нутриционистите препорачуваат да бидат што почесто на нашата трпеза, но има исклучок.
Кајсиите се богати со калиум, минерал кој служи и како електролит. Во вашето тело, тој е одговорен за испраќање нервни сигнали и регулирање на мускулните контракции и балансот на течности (24, 25). Две кајсии (70 грама) обезбедуваат 181 mg од овој минерал, што е 4% од дневните потреби. Бидејќи калиумот тесно соработува со натриумот за одржување на балансот на течности, адекватниот внес може да помогне да се спречи надуеност и да се одржи здрав крвен притисок (24).
Анализата на 33 студии покажа дека исхраната богата со калиум значително го намалува крвниот притисок и резултира со 24% помал ризик од мозочен удар (26).
Важно е да се напомене дека луѓето кои имаат кардиоваскуларни проблеми или проблеми со бубрезите не треба да јадат премногу од ова овошје, а најдобро би било целосно да го избегнуваат. Особено ако се на редовна терапија.
