Сопругот на кралицата Елизабета Втора, британскиот принц Филип кој има 99 години, имаше операција на срцето по инфекција.
Војводата од Единбург закрепнува во болница во Лондон, каде ќе престојува до 6 недели.
„Во среда вечерта принцот Филип беше успешно опериран за да се реши мал проблем со срцето. Ќе остане во болница за да закрепне и да се одмори во текот на следните денови“, соопштија вчера од Бакингемската палата.
Пред повеќе од две недели принцот Филип, поранешен престолонаследник на Грција и на Данска, беше примен во болница во Лондон откако му се слоши во дворецот Виндзор.
Во брак со кралицата Елизабета Втора е од ноември, 1947 година.
