Кинеските астронаути пристигнаа на новата станица во орбитата на Земјата со што уште еднаш потврдија дека Кина стана нова вселенска сила.
Леталото со тројца астронаути пристигна на новата вселенска станица седум часа по лансирањето. На видео преносот на Кинеската национална вселенска станица (CNSA) можеше да се види како астронаутите влегоа во јадрото на модулот, каде ќе минат три месеци правејќи научни експерименти. Средишниот модул на кинеската станица има одвоени животни простори за секој астронаут. Претходно, астронаутите минале повеќе од 6.000 часа обука, пренесе Science Alert.
Изградбата на станица почна пред два месеци, а би требало да биде довршена следната година. Во октомври треба да пристигнат уште тројца астронаути. За да биде довршена станицата ќе бидат лансирани уште два лабораториски модули, секој тежок околу 20 тона. За 2022 година се планирани уште два товарни лета и две мисии со екипаж.
Меѓународната вселенска станица би требало да престане со работа по 2024 година, иако од НАСА велат дека потенцијално би можела да остане во функција и по 2028 година. Ако Станицата престане со работа во следните неколку години, Кина ќе биде единствената земја со постојана станица во вселената.