Италијанската компанија Alfa Romeo ќе го „оживее“ моделот GTV и се подготвува за електрификација.
Засега нема информации за моделот бидејќи сè уште се чека за зелено светло за да започне производството, но директорот на Alfa, Жан Филип Импарато претходно изјави дека повторно ќе го произведуваат моделот GTV.
Електричната верзија би била ривал на моделите како што се Tesla Model 3 и BMW i4.
Alfa е дел од Stellantis групацијата откако се споија Fiat Chrysler Automobiles и PSA Group, па затоа имаат многу планови за наредните години.
Ќе ги користат електрифицираните платформи и погони од групацијата, а се очекуваат и наследници на моделите Stelvio и Guilia.
Autocar пишува дека идниот SUV Tonale ќе биде единствениот модел на Alfa со платформа која ја разви FCA, додека сите останати модели ќе бидат базирани на една од три платформи за патнички автомобили кои ги разви PSA групацијата.