По извршен претрес во дом во село Визбегово, скопско, приведен е крадец кај кого биле пронајдени и одземени седум велосипеди.
Полициски службеници од ЕВР Центар и Бит Пазар, денеска врз основа на судска наредба, извршиле претрес во домот на Е.Х.(29) во село Визбегово, скопско, при што биле пронајдени одземени седум велосипеди, кои потекнуваат од кривични дела „кражба“ и „тешка кражба“.
Како што соопшти МВР, Е.Х. бил приведен во полициска станица и по целосно документирање на случаите против него ќе биде поднесена соодветна пријава.