Полицијата во текот на вчерашниот ден приведе и спроведе во затвор три лица барани со потерница, информираат од Министерството за внатрешни работи.
Две од приведените лица се спроведени на издржување казна затвор во КПУ Струмица, а едно во КПУ Штип.
– На 28.10.2020 во 10:30 часот од страна на полициски службеници од Полициската станица Штип е приведен Е.С. (32) од Штип за издржување на казна затвор. Лицето е спроведено во КПУ Струмица, стои во соопштението од МВР.
Другите две лица се приведени од полициски службеници од Македонска Каменица.
– На 28.10.2020 во 05:50 и во 06:25 часот од страна на полициски службеници од Полициското одделение Македонска Каменица приведени се М.С. од село Саса и И.И. од Македонска Каменица за издржување казна затвор. М.С. е спроведен во КПУ Струмица, а И.И. во КПУ Штип, стои во соопштението од МВР.
