Пробавме чоколадна торта од Delicia

Како вистински љубители на слатки задоволства, со нетрпение дочекавме да дојде денот кога треба да ја дегустираме роденденската торта од Delicia. Порачавме чоколадна торта во форма на симпатичен еднорог, која ја одбравме од огромната понуда на нивната Facebook фан страница.

Составот на тортата е по избор на купувачот (ние одбравме „стандард чоколадна“), а исто така постои можност да одберете дали сакате декорацијата да биде изработена од шлаг или од фондан. Ние одбравме фондан, затоа што верувавме дека така ќе биде поцврста, покомпактна и со најблизок изглед на тортата што ја видовме на нивната фотографија. За изработка и испорака се потребни најмалку 2 дена, а испораката до вашиот дом е вклучена во цената на тортата.

Тортата пристигна во специјално возило – ладилник, на договорената локација и во договореното време. Доставувачот пристапи со љубезен и професионален тон, а заедно со тортата ни достави и некаква брендирана кутија за која ни појасни дека е подарок. Ова е одличен гест, кој се надеваме дека е стандардна пракса при доставувањето на роденденски торти.

Што ли има внатре?

Кутијата изгледаше толку добро, што доколку не знаевме дека Delicia е пекарница / слаткарница, ќе помислевме дека внатре се крие некој high-end таблет.

Не издржавме и го отворивме подарокот пред тортата, а внатре имаше сет со боички и престилка која може да се обои – баш фино! :)

А сега, за тортата. Од визуелен аспект, не само што изгледаше веродостојно на онаа која беше претставена преку фотографија на нивната Faceboook страница, туку изгледаше и поубаво во живо. Сите декорации беа одлично изработени, фонданот беше фино обликуван и цврст, а боите на шлагот беа живописни, силни и примамливи.

Од кратката фото-сесија на слаткиот еднорог почувствувавме криза за благо, па брзо дојде редот да откриеме дали позади добриот изглед се крие и „добра душа“, односно, да го дегусираме вкусот на тортата.

„Мњам, мњам“ - лажиче по лажиче, успеавме да „стопиме“ по 2 парчиња за 5 минути. Првиот впечаток е дека вкусот на тортата е доволно добар за да ве натера да побарате „репете“ и дека го оправдува името - чоколадна торта. Чоколадниот крем е полн и вкусен, а како што може да забележите и по фотографиите, Delicia не штеди на крем.

И иако ова нѐ радува, има само едно нешто кое прави мал дисбаланс во целокупното задоволство, а тоа е сувиот пандишпан. Да бидеме појасни, ова не е нешто кое би ве натерало да одбиете парче торта на нечиј роденден, но, веруваме дека вкусот би бил уште позадоволувачки доколку пандишпанот би бил барем малку посочен :)

Би сакале да напишеме повеќе детали за вкусот, но во светот на слатките, чоколадните торти (барем оние без додатоци) се еквивалент на капричиоза во светот на пиците или Golf во светот на автомобилите. Класика, на која толку многу сме навикнати, што би прифатиле само минимални промени. Вкус, кој сите добро го познаваме и секогаш кога сме ставени во ситуација да одбереме помеѓу неа и нешто ново и непознато – најверојатно повторно би го одбрале тоа што ни е добро познато.

thumb_up Позитивно
  • Бесплатна испорака.
  • Соодветно возило (ладилник).
  • Соодветни пакувања и одличен брендинг.
  • Фин однос со потрошувачи (љубезност, подарок).
  • Реалниот изглед на тортата е веродостоен на нивните фотографии. 
     
thumb_down Негативно
  • Пандишпанот беше сув за наш вкус.
thumb_up
Кајгана
Оцена
4/5
реклама

Пробавме

Пробавме пица Тоскана од Mamma Italiana

Read more

Пробавме чоколадна торта од Delicia

Read more

Пробавме пилешки кранчи врап од Grand Burger

Read more

Магазин

Како твитерџиите реагираат на 80-часовниот полициски час?

Читај повеќе
  • play_arrow

Глетка од која застанува здивот: Диви коњи трчаат на Пелистер

Читај повеќе
  • play_arrow

СЗО препорача да се носи маска, но потребно е да биде трислојна за да ве штити од COVID-19

Читај повеќе
  • play_arrow

Домашни бургер лепчиња без јајца – и не ви треба рерна за печење

Читај повеќе

Отец Пимен: Дајте ние живите да им помогнеме на живите

Читај повеќе
  • play_arrow

Грчкото лето е состојба на умот

Читај повеќе
  • play_arrow

Новинарски гаф на фудбалската сезона: Резултатот е 5,4

Читај повеќе
  • play_arrow

Идентификуван осомничениот убиец на Меделин Мекен

Читај повеќе

Џордан донира 100 милиони долари во борба против расизмот

Читај повеќе