По неуспехот против Босна и Херцеговина сега дополнителни проблеми доби селекторот Дидје Дешан откако младата ѕвезда нема да игра поради повреда.
Французите утре гостуваат кај Украина, а потоа во вторник ја пречекуваат незгодната Финска. Овие два мундијалски квалификациски натпревари ќе мора да ги играат без својот најдобар фудбалер, Килјан Мбапе.
Имено, Мбапе одигра речиси цел натпревар во средата против Босанците и беше заменет во 90. минута откако почувствува болки. Испитувањата потврдија дека има повреда на листот на десната ногата поради која нема да може да им помогне на соиграчите во претстојните два натпревара.
„Напаѓачот на ПСЖ ќе се врати во својот клуб и нема да биде повикана замена за патувањето во Украина“, соопштија од Фудбалската федерација на Франција.
„Светците“ се надеваат дека Мбапе ќе се опорави навреме за дуелот со Клермон од Лиг 1 на 11-ти, а четири дена потоа следува и првиот натпревар од Лигата на шампиони против белгиски Бриж.
Во мундијалските квалификации Франција е лидер на групата Д со 8 бода, но не може да се пофали со добар скор бидејќи од 4 натпревари оствари 2 победи и 2 нерешени и тоа двата кикса беа на домашен терен.