Доколку сакате лебот да ви трае подолго, подгответе го на едноставен начин со помош на јапонската смеса ју-дане (湯種).
Станува збор за дел од тестото подготвено во вода или млеко на повеќе од 65°C. Со користење на оваа смеса ќе ја подобрите текстурата на лебот и ќе му го продолжите рокот на траење.
Потребни состојки:
- 3 чаши брашно
- ¼ чаша вода
- 1 чаша млеко
- 80 гр шеќер
- 1 кесичка квасец
- 1 јајце
- 4 лажици путер
Подготовка:
Во сад измешајте ги брашното, водата и млекото. Потоа загрејте на тивок оган и мешајте додека смесата не се згусне. Погрижете се да не зоврие. Откако смесата ќе се згусне, тргнете ја од оган и оставете ја да отстои на собна температура.
Со оваа смеса измешајте ги сите состојки освен путерот, по можност со миксер. Потоа префрлете ја смесата на рамна површина и замесете. Постепено додавајте го путерот. Ставете го тестото во сад и почекајте да нарасне.
Повторно замесете го, расукајте го и обликувајте го. Подмачкајте го плехот и оставете го лебот повторно да нарасне околу половина час. Намачкајте го со млеко и печете на 175°C исто така околу половина час. Откако ќе порумени, почекајте еден час пред да го извадите од тавата.
