Протестите во Минеаполис синоќа завршија со повеќе ограбени и запалени објекти откако Афроамериканецот Џорџ Флојд во неделата беше убиен од страна на бел полицаец, во очевиден расистички чин на полициска бруталност.
Групи на демонстранти во повеќе делови на градот синоќа координирано вандализираа разни објекти, а имаше и и пукање во јужниот дел на Минеаполис.
Полицијата во неколку случаи употреби солзавец за да ги растера демонстрантите, но не употреби физичка сила и дозволи толпата да го изрази својот гнев.
Во повеќе случаи демонстрантите запалија и ограбија повеќе објекти и продавници.
Главното барање на протестантите е одговорност и апсење на полицајците, кои додека го приведуваа невооружениот Флојд, полицаецот Дерек Чавин, употреби несразмерна физичка сила.
Четворицата службеници кои беа на местото на настанот се отпуштени од работа.
Од снимката се гледа и слуша како Флојд, легнат на земја и со лисици на рацете, моли за помош и повторува дека не може да дише.
Демонстрантите и многумина од набљудувачите во САД се прашуваат зошто полицаецот, кој го стори тоа сè уште не е упасен.
Миинистерството за правда на САД порача дека истрагата за полициската одговорност во случајот е главен приоритет. Синоќа и претседателот Доналд Трамп повика безбедносните служби да го решат случајот и се закани дека ќе испрати војска доколку ситуацијата не биде ставена под контрола. ФБИ спроведува истрага дали службенииците ги прекршиле федералните закони.
„Не можам да седам мирно и да гледам што се случува во американскиот град Минеаполис. Или левичарскиот градоначалник Џејкоб Фреј ќе го стави градот под контрола или јас ќе ја испратам војската и ќе ја завршам работата“, изјави Трамп.
Случајот со Џорџ Лојд почна откако сопственик на продавница во Минеаполис повикал полиција бидејќи се сомневал дека Флојд се обидел да купи цигари со фалсификувана банкнота од 20 долари.
Сопственикот потоа изјави дека понудил да плати за погребот на Флојд.