Џери Брукхајмер, продуцент на успешниот филмски серијал „Pirates of the Caribbean“, во интервју за Sunday Times, зборуваше за иднината на следното продолжение кое доживеа голем удар по заминувањето на актерот Џони Деп, кој стана „непожелен“ поради судењето и обвинувањата за семејно малтретирање на Амбер Херд.
Деп се појави во сите пет филмови, а последниот „Dead Men Tell No Tales“ е прикажан во 2017 година. Брукхајмер изјави дека моментално се работи на две сценарија, а Деп во оваа фаза не е дел од приказната.
„Моментално преговараме со Марго Роби. Развиваме две сценарија, едно со неа, едно без неа“, рече Брукхјамер и се осврна околу шпекулациите за враќањето на Деп. „Џони не се враќа во овој момент, но иднината е неизвесна“.
Во текот на судењето се откри дека Деп треба да се појави во шестото продолжение за што би му бил исплатен хонорар од 22.5 милиони долари.
Но, по обвинувањата за семејно насилство, Disney сепак одлучи да тргне во поинаква насока.