Промоција на првиот квир роман „Лето во кое те нема“ од Петар Андоновски

Александра Спасеска
/ 07.09.2020 / 12:23

Во рамки на програмата на Skopje Pride Weekend, вечерва ќе се одржи промоцијата на романот „Лето во кое те нема“ од Петар Андоновски.

Новиот роман на Андоновски е објавен во едицијата ПРОаЗА на издавачката куќа Или-Или. Дизајнот на корицата е на Вања Штркова.

„Лето во кое те нема“ е најавен како првиот квир роман во македонската книжевност, а се промовира набргу откако Андоновски ја доби Европската награда за литература за неговиот трет роман „Страв од варвари“.

Промоцијата ќе се одржи денеска, понеделник 7 септември, од 21 часот во ShortBus како дел од програмата на Skopje Pride Weekend.

За романот ќе зборуваат Ирена Цветковиќ и Румена Бужаровска.

Во однос на универзалните книжевни текови, Андоновски со своите романи го носи големиот свет во македонскиот јазик, промислувајќи го естетски релевантно и актуелно. Она што од една страна е врзаност на авторот со поднебјето, од друга страна се претвора во сензитивна мембрана преку која продираат големите нешта во малата книжевност. Андоновски зафаќа теми кои одамна (или никогаш) не се пишувани кај нас. Другоста, траумите, сексуалноста, престапите, осамите... како ореоли на луѓето од секојдневието. Просторот на делата на Андоновски најчесто не е или само делумно е наш, неговите романи речиси секогаш се населуваат или се поврзуваат со далечното, неодреденото,.. со морето и синиот бескрај и во оваа негова карактеристика се препознава отскокнување од локалното, но само во поетолошко-филозофска смисла. На тој начин, најнашето станува најсветско или обратното – најсветското станува најнаше. Токму во овој спој на нештата е неговата вистинска вредност и посебност во домашната книжевност.

Оливера Ќорвезироска

Во најновиот роман „Лето во кое те нема“ Андоновски повторно ни говори за борбата да бидеш свој, а не она што другите го очекувале од тебе или оној/онаа што си мислел дека треба да бидеш. Да бидеш ти – ти, пред себе, пред оние кои ги љубиш, пред оние кои те љубат, пред оние кои не те разбираат, пред целиот свет, тоа е предизвик за секој кој се обидува да ја осознае својата мисија во светот, но и секој кој упорно си го поставува прашањето „Кој сум јас?“.

Ана Мартиновска

„Лето во кое те нема“ е искрен, интимен и храбар роман кој проникнува во најмрачните и досега неискажаните понори на нашето општество. Оваа моќна приказна, раскажана со препознатливиот питок јазик на еден од нашите најбитни современи писатели, Петар Андоновски, отвора ново, ослободувачко поглавје во македонската книжевна традиција.

Румена Бужаровска

Петар Андоновски (1987, Куманово) е автор на: ,,Ментален простор" (поезија, 2008), ,,Очи со боја на чевли" (роман, 2013, три изданија), ,,Телото во кое треба да се живее" (роман, 2015, три изданија), ,,Страв од варвари" (роман, 2018, две изданија).

Добитник е на наградата Роман на годината на Утрински весник за романот ,,Телото во кое треба да се живее" и на Европската награда за литература за романот „Страв од варвари“.

реклама

Голем месечен хороскоп за април 2024: Ретрограден Меркур им ги мрси конците на неколку знаци

Read more

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Како е поврзано пиењето кафе со ракот на дебело црево?

Read more

Книги

КАЈГАНА препорака: Зошто треба да го прочитате крими романот „Нож“ на Ју Несбе?

Read more

Промовирана монографијата 100 години Тиверија

Read more

Нов роман на Фросина Пармаковска

Read more

Објавена книгата Македонската книжевна жена од Ирина Тумбовска

Read more
 

Магазин

Едноставен и брз метод: Белите патики повторно ќе изгледаат како нови

Читај повеќе

Историски заблуди

Читај повеќе

5 совети како да го разгорите повторно вашиот сексуален живот

Читај повеќе

Голем месечен хороскоп за април 2024: Ретрограден Меркур им ги мрси конците на неколку знаци

Читај повеќе
  • filter

Најскапите намирници во светот: Треба да потрошите вистинско богатство за нив

Читај повеќе

Рецепт на денот: Јагнешки бут зачинет на грчки начин

Читај повеќе

Зошто никогаш не треба да го резервирате седиштето 11А во авион?

Читај повеќе

Пет причини зошто треба почесто да јадете тиквички

Читај повеќе

5 причини зошто треба да го ограничите времето што децата го поминуваат пред екрани

Читај повеќе