Научници тврдат дека во атмосферата на Венера е пронајден специфичен вид на гас наречен фосфин, кој потекнува од живи организми, пренесе BBC.
Фосфинот е гас чија молекула се состои од еден атом на фосфор и три атоми на водород. На Земјата, соединението се поврзува со живот, т.е. со микроби кои живеат во цревата, на пр., на пингвините или во средини со послабо присуство на кислород, како што се мочуриштата.
Фосфинот на Земјата е запалив, има мирис и е отровен, а го произведуваат бактерии на кои не им е потребен кислород. Така, се поставува прашањето – од каде потекнува фосфинот на Венера?
Со оглед на сè што знаеме за Венера, никој сè уште не е во можност да го опише абиотскиот пат до фосфинот, барем не за откриените количини. Тоа значи дека животниот извор на фосфин е можен.
„Сега многумина ќе се обидат да објаснат од каде е фосфинот таму каде што нема живи суштества и јас тие напори ги поздравувам“, вели научничката Клара Суса-Силва, додавајќи дека е во прашање живот или некои физички или хемиски процеси кои не ги очекуваме на каменити планети.
Оваа појава исто така отвора можности дека на Венера (со просечна температура поголема од 460 степени Целзиусови) опстанал некој облик на живот кој огромната топлина не го уништила.
Венера се смета за „близначка“ на Земјата бидејќи и двете планети се со слична големина, маса и композиција. Но, овде престануваат сличностите, бидејќи каде што на Земјата има вода на Венера или врели предели.
„Неверојатна е и помислата дека таму нешто би можело да живее опкружено со сулфурна киселина. Сите геолошки и фотохемиски процеси кои ги познаваме се премногу неприкладни за да можеле да произведат фосфини каки што видовме“, смета професорката Џејн Гривз од Универзитетот во Кардиф.
