Вчера во 14:30 часот во СВР Битола било пријавено дека на 25.02.2025 околу 17:15 часот на ул. „Баталјон Стив Наумов“ во Битола, при изведување градежни работи биле пронајдени неексплодирани гранати.
Пиротехничар од Дирекцијата за заштита и спасување Битола безбедно ги подигнал гранатите, при што било констатирано дека станува збор за 145 артилериски гранати со калибар 75 мм, кои потекнувале од Првата светска војна.
