Авантуристичкиот дух никогаш не бил позелен и поинтересен!
Со своите соларни панели, Stella Vita може да произведе доволно електрична енергија за транспорт до 730 километри за еден ден.
Се разбира, кога е сончев ден - големите соларни панели од покривот ја собираат целата таа светлина и ја претвораат во потребната енергија, а кога Stella Vita стои, може да се додадат уште две соларни крила за уште повеќе и побрзо собирање енергија.
Кога времето е облачно, ќе се собере доволно енергија за 600 километри, што е за 20% помалку, но сепак доволно за удобно возење.
Првиот автомобил за кампување во светот (наместо комбе поради неговата големина) најдобро се опишува како самоодржлива куќа на тркала.
Камперот од сите агли погледнете го ТУКА.
Stella Vita има дизајн сличен на капка, има накосен покрив за да ја зголеми површината на соларните панели што го напојуваат целиот систем на возилото. Вкупната површина на соларни панели, кога покривот е расклопен, е 17,5 квадратни метри. Дизајниран е од тим од 22 студенти од Технолошкиот факултет во Ајндховен.
Соларните панели се користат и за напојување на уредите што се користат на кампување - за правење кафе, подготовка на ручек, туширање, полнење телефони, гледање телевизија итн.
Целта на возилото е да ги освести корисниците за сопствената потрошувачка на енергија, а преку инфозабавниот систем можат да го следат преостанатото количество енергија и можностите за негова понатамошна дистрибуција и потрошувачка.
Подигнувањето на покривот го зголемува и внатрешниот простор на камперот, до кој може да се стигне преку страничната врата на страната на совозачот. Внатре во камперот има мал простор за готвење со фрижидер (кој работи на сончева енергија), тоалет, како и софа и кревет со целосна големина со простор за двајца возрасни кога се расклопени.
Оваа соларна куќа веќе го започна своето патување од Ајндховен. Тргна на 19 септември, а целта е Андалузија. На крајот, треба да се каже дека ова е проект кој е во фаза на тестирање, а комерцијалната фаза најверојатно ќе потрае неколку години. Исто така, нема информации за цената.
Како ви се допаѓа овој самоодржлив дом на тркала?
