Пандемијата со коронавирусот удри и по маратонот кој традиционално во август се одржува во водите на Охридското Езеро.
Светската пливачка федерација (ФИФА) всушност ја откажа целата сезона 2020, па оттаму следуваше и откажување на Охридскиот маратон кој со години е во календарот на ФИНА. Маратонот во Охрид сезонава беше закажан за 30 август и требаше да биде издание број 34.
Охридскиот маратон првпат се одржа во 1962 година, а потоа до 1966 се одржаа уште три трки пред да настапи пауза. Беше повторно одржан тек во 1985 година, но само едно издание. Од 1992 до лани се одржуваше без прекин цели 28 години и тоа на патеката „Климе Савин“, а од 1998 година е дел од календарот на ФИНА.
Од ФИНА соопштија дека откажувањето на целата сезона е по препорака на СЗО како превенција за ширењето на коронавирусот.
Охродскиот маратон се враќа на календарот наредната сезона 2021 и тоа на 21 август, а ќе се одржи и мал маратон од 10 километри на 10 август.
