Спортскиот директор на ПСЖ, Леонардо, соопшти дека клубот нема да му застане на патот на Килјан Мбапе кој изрази желба да замине во Реал. Единствен услов е шпанскиот клуб да ја плати сумата за предвремен раскин на договорот.
– Килјан Мбапе сака да замине во Реал Мадрид и ние нема да го држиме. Ја одбивме првата понуда на Реал Мадрид, но доколку се исполнат нашите услови, ќе се реализира трансферот. Не планираме повторно да разговараме со Реал за овој случај. Преодниот рок се затвора на 31 август на полноќ. Aко играчот сака да замине, тогаш може под наши услови, истакна Леонардо.
Претходно, француските медиуми објавија дека ПСЖ одби да го продаде Мбапе на Реал за 160 милиони евра.
Оваа сезона, 22-годишниот играч одигра три натпревари за ПСЖ и постигна 1 гол и 2 асистенции.