Парижаните имаа многу проблеми со гостите од Бордо и во неизвесен натпревар сепак победија со 4:3.
Први го отворија резултатот „Жирондинците“ и тоа преку јужнокорејскиот репрезентативен Хуан Уи-џо во 18. минута.
Седум минути подоцна Единсон Кавани израмни на 1:1 постигнувајќи го својот гол број 200 во дресот на „Светците“. Со овој гол Уругваецот стана единствен во историјата на клубот кој стигнал до бројката од 200 голови и воедно е најдобар стрелец пред Златан Ибрахимовиќ со 156, Паулета со 109 и Доминик Рошето со точно 100.
Во првата минута од судиското надополнување Маркињус погоди за пресврт, но длабоко во истото Паблу се погрижи ПСЖ да не замине на пауза со водство.
Во второто полувреме во 63. минута Маркињус со својот втор гол донесе ново водство од 3:2 кое само шест минути подоцна го дуплираше Килјан Мбапе. за неизвесна завршница се погрижи Рубен Пардо во 83. минута, но сепак Бордо не успеа да погоди и по четврти пат и мораше да си замине дома без ниту еден бод.
Во судиското надополнување Нејмар направи одмазднички фаул и потоа се пресметуваше со противничкиот фудбалер по што доби втор жолт и црвен картон.
По 26 кола ПСЖ води со 65 бода, дури 13 повеќе од второпласираниот Марсеј. Бордо е 12-ти со 35 бодови.